එක්තරා වගකිවයුතු පුවත්පත් මාධ්‍යක් විද්‍යාගේ ඝාතනය කතාවක් ආකාරයට කොටස් වශයෙන් පල කරන ආකාරය දුටුවෙමි.
අදාළ රචකයා සිද්ධිය ඇසින් දුටු අයුරින් චිත්තරෑප මැවෙන ආකාරයට කියවන්නාට කුතුහලය දනවමින් ලියා ඇත. කොටින්ම කියනවානම් ඒ අහිංසක දැරියගේ ජිවිතය මාධ්‍ය තමාගේ මාර්කටින් සදහා යොදා ගෙන ඇත. අදාළ අය තමාගේ දියණියකට හෝ සොහොයුරියකට මෙලෙස සිදුවුවද අනිවාර්යයෙන්ම මේ ආකාරයටම රසකර කතා ලියනු ඇත. හේතුව මාර්කටින් හමුවේ මනුසත්බව ගිලිහී ගියවුන් හට සංවේදී නහර මිය යන බැවිනි.
අපේ රටේ දුෂණය කොට මරා දමන ලද එකම තරැණිය විද්‍යා විතරද? අනිවාර්යයෙන්ම නැත. එවන්වු සිය ගණන්වු සිදුවීම් ඇත. නමුත් මාර්කටින් පොයින්ට්ස් අහුවුනේ විද්‍යා සේයා වැනි සිදුවීම් වලදීය. එබැවින් මාධ්‍යකරුවන් ඒ පසුපස හඹා ගියේ එබැවිනි.මෙයින් සිදුවන භයානකම විපාකය නම් මින් මතුවට දුෂණයට ලක්වන කාන්තාවන් හා දුෂණය කොට ඝාතනය කෙරැනු කාන්තාවන්ගේ පවුලේ උදවිය සිද්ධිය සම්බන්ධයෙන් නිහඬ වීමයි. අපරාධය හා අයුක්තියට විරුද්ධව නැගි සිටියහොත් සිදුවන්නේ පරම්පරාවේම ආත්ම ගරැත්වය සුනුවිසුනු කර දැමීමට ඇතැම් මාධ්‍යන් උකුසු ඇස් යොමා ගෙන සිටින වග දන්නා බැවිනි.
සාධාරණත්වය වෙනුවෙන් සටන් කරනවාට වඩා වැදගත් වන්නේ අවමානයට ලක් නොවී සිටිම යැයි සිතන ඔවුන් නිහඬ වෙති. අවසානයේ හැම අතින් ම වාසිය හැරෙන්නේ අපරාධකරුවන් වෙතටය.
සාධාරණත්වය වෙනුවෙන් සටන් කරනවාට වඩා වැදගත් වන්නේ අවමානයට ලක් නොවී සිටිම යැයි සිතන ඔවුන් නිහඬ වෙති. අවසානයේ හැම අතින් ම වාසිය හැරෙන්නේ අපරාධකරුවන් වෙතටය.
ලියන්නට අතෙහි පෑන තිබුනාට පලක් නැත.සිතෙහි සංයමය,විනය, හා සදාචාරය තිබිය යුතුය.
පසුවදන- ජනතා නායකයන් පවා විද්‍යා ඝාතනය මාර්කටින් කළ රටක අනෙක් අය ගැන කුමන කතාද?
පසුවදන- ජනතා නායකයන් පවා විද්‍යා ඝාතනය මාර්කටින් කළ රටක අනෙක් අය ගැන කුමන කතාද?
Comments
Post a Comment